الى الأمل المنشود والحلم المضيّع الحبيب السيد الرضا الشيرازي (قدس سره)
ودِّيني اعلى گبرك ودِّيني اعلى گبرك رايد احچي اوياك چلمة عِتب عندي وتذبح بروحي وديني اعلى گبرك اشچي جرح الروح ولو خاف الجرح مايقبل ابَّوُحي ودِّيـني تعبت من البچه والنوح عاشگ وحشتي ودم دمعتي وموحي مافهمت الناس اشروحي بالتفصيل فهمت باختصاري وموجز اشروحي لـمَّن نـوَّحت واعـبرت لـيل الـهم وابـحرت بسفينة ادم ونوحي لـملمت الـجرح واگطعت دربي اعليك ياسيد رضا واخفيت كل بوحي رايـحلك الـك يـلي تـمرني بطيف بس شفتك عرفتك ثابت بلوحي حط بيه الجِدم من طابت الگعدات وفاضت عبرتي من انعرفت اجروحي واگعدنه سوى واشربنه كاس الچاي واتهيَّم خيالي وضحكت اصروحي وحـسيت بعذابي عني گام يروح وگيعان الامل صعدت على اسفوحي ودََّعـتك يـغالي وثـغرك المحبوب يهمس بذني سره الخالد بروحي
|
