الى المقدس الشيرازي اعلى الله مقامه
شايل نعشي بيدي ودِّيـني إلك خليني اشوف الموت مليت العمر مابـي بعـد ونسه ودِّيـني بـحلم راويـني طـعم الـموت خليني اشوفك واندفن خلسه مـاتدري بـعذابي وحـالة الـمذبوح مـثل ام الحمام واشبه الخنسه كـل يـوم الـصباح بـنغمة الانـوار اتروَّه بحديثك واصبح وامسى مـاتت بيَّه روحـي واكرهت دنياي ولوغيرك عشگ هالگلب ميحسه لو ما حرَّم الباري اليأس والخوف اريد ادفن حياتي وعيشتي النحسه ضـيَّعت الـعمر انه ونسيت الروح چالميت صفيت من اغربت شمسه شـيفيد الـحنين وراح مـني الراح وشيفيد العريس الماحظه بعرسه شـيفيد اصبحت ضايع وأدوِّر اعليك شايل نعشي بيدي والچفن لِبْسه عطشان الگلب ضامي وأدوِّر جود بيدك ماي شربـي وچفك إيحبسه ومفارس گضيت ايامي كلها اعراك يفرسني القهر وأمالـي متفرسه ياعابس زمانك گوم شگ اهدوم مـن اجل الحسين وعشگك الخمسه عايـن گلبي مات ومابعد بـي روح ميت والعيون الحاسده اتحرسه ولـوواحد نـشدني مـايلاگي اجواب ولساني لسان الضايعه الخرسه يـاعالم خـيال؟ ويـاقلم سيال؟ وياعقل اليضحي؟ وينطي من نفسه حـزنانه الـعرب مـن نكسة حزيران وماتدري القدس مايرجع لقدسه الأَّ هـالفرع يـرجع لأ صـله الزين ولتظن يستقر لوما لگه غرسه مـوش ام الـمصايب نكسة حزيران چتل آل الحسيني السبب النكسه
|
