إلى السيد القديس الرضا الشيرازي
ذبحوك من شافوا شمس طلعت تشع من بيتك مـاتوا قـهر واتـعجِّبوا من شاهدوا علميتك * * * شمسين مارادوا تجي وتشرق بنور البضعه شمسك وشمس الله الضوت بديارنه وكل ربعه خـلينه گالوا من فجر صبح الله نذبح ربعه ونچتِّـف اچفوف الدهر ونذبح الطيِّب طبعه ونـحط ايـادينه بحقل غدر الزمان وفرعه ذبحوك شافوك البطل وألله جِمــع حاشيتك ذبحوك من شافوا شمس طلعت تشع من بيتك * * * ذبـحوك زعـلوا عالگمر شافوه بوجهك فِضَّه وذبـحوك مـارادوا نـجم وكت الفجر يتوضَّه ويـصلي فـرض النافله بوجه الحِسِنْ يترضَّه والـسائل ابـابك وگف جرح الدليل يعرضه يـادمع سـال من الجفن بخد البتول اتشضَّه شافوك نسخه من الرضا واضح وصافي بنيتك ذبحوك من شافوا شمس طلعت تشع من بيتك * * * رادوك تـسحگ هـمتك وتـذبح امل ديرتنه وتـبيع ديـنك يـالرضا وترضه بجهل امتنه مـارادوا لـقم تـفتخر وتگص نحر كل فتنه داسـوا قـداستنه الـصبح والليل طش لمتنه شـافوك تـلعن بالجهل وتشعل شمع صينتك ذبحوك من شافوا شمس طلعت تشع من بيتك * * * قـدِّيس مـارادوا يظل طيب بعد بالديره ولارادوا يمثل وصي لو نبي بكل تصويره شافوا من اولاد العگد تحمل شرف تقديره مرسوم شافوا كل فكر ماخذ حِسن تفكيره شـافوك تـغلبهم بـعد واتفـوِّقت تربيتك ذبحوك من شافوا شمس طلعت تشع من بيتك * * * شـافوك حامل هالشرف واگف تضحي ابَّابك حـامل نـياشين الـفخر وتتباها بيها اهدابك منين الله وجهـك صنعه ومنيـن ربـك جابك صادگ وماعندك دغش شالت صراحه اثيابك احـلف بـاألله وبالنبي وبالمرتضى واحبابك شـافوك للسائل تـجي وجايب غده بخاچيتك ذبحوك من شافوا شمس طلعت تشع من بيتك * * * ذبـحوك مارادوا دمع من گلبك يهل عبره ولاتبچي گالوا كل وكت لويمر ذچر الزهره مـلينه گالـوا دفترك يحمل اسامي العتره ومنريد ضيفك من يجي لبيتك حسين تذكره وآمـال عـدوان الـدرب تتهدم بهالفكره ذبحوك شافوا هالبشر تحمل ختم جنسيتك ذبحوك من شافوا شمس طلعت تشع من بيتك * * * شـافوك لـلصادق عـضد وتشد اصابع چفه واحزام ظهره انته صرت واسرار گلبه اتعرفه دكـتور تعرف كل مرض وبيدك ختمت الوصفه شـافوك بير من العلم واسرار لغزه اتكشفه زعـلوا اعليك من الصنم كل يوم انت اتنسفه شـافوك عـالي بهـمِّتك مـتهبِّط بناصيتك ذبحوك من شافوا شمس طلعت تشع من بيتك * * * مـو بـس مضايفنه بچت مجرى الدمع يوميه حـتى الـقطار اللي طلع من مشهد الصبحيه وشـايل محبين الرضا من الرضا جايب ديه چيـف انت ضيف بديرته وابنه ونفس بالريه اهـل الـقطيف ويـالحسا والمنطقه الشرقيه لبست سواد اعله الرضا لموسى الرضا ناعيتك ذبحوك من شافوا شمس طلعت تشع من بيتك * * * مـنِّ الـسِّماوه ولـلنَّجف والبصره والشرجيه لـطمت عـلى اخدود الوفه ورايتها شيرازيه وشبَّت الـنار بـكربله وحرگت لـوى البعثيه وعـمِّتك زيـنب نـوَّحت صاحت يصافي النيه الـعباس اجـاك ايـشيَّعك وجسام اجه بتاليه الـعباس عـمَّك عـلَّمك تـاخذ نهج تضحيتك ذبحوك من شافوا شمس طلعت تشع من بيتك * * * ورافع شعـارك ياعلي ورمز المحبه السامي مـن شـيِّعوك اهل الوفه اتذكَّرت يوم اعدامي مـن حسين مد راسه الك يبچيك صدره الدامي يـالرضا يگلـك خيَّبت يبني و ذبحت احلامي يصبِّحني بصباحه الوجع ويذبحني سيف ايامي يـايوم تگرب طـلعة الـمهدي ويگلي جيتك ذبحوك من شافوا شمس طلعت تشع من بيتك
|
